विलेपार्ले येथील पार्श्वनाथ दिगंबर जैन मंदिराच्या उर्वरित बांधकामावर 5 मेपर्यंत कारवाई करू नये असे आदेश हायकोर्टाने पालिका प्रशासनाला दिले. दरम्यान या प्रकरणी पालिकेने हायकोर्टात प्रतिज्ञापत्र दाखल केले असून सुनावणी सोमवारपर्यंत तहकूब केली. न्यायमूर्ती गौरी गोडसे यांच्यासमोर झालेल्या सुनावणी वेळी मंदिरावरील कारवाईनंतर वादाला तोंड फुटल्यामुळे त्यामागील काही कारणांबाबत पालिकेने माहिती दिली. न्यायालयाने ही माहिती ऐकून घेत वेळेअभावी या प्रकरणाची सुनावणी सोमवारपर्यंत तहकूब केली. तसेच मंदिराच्या उर्वरित बांधकामावर कारवाई न करण्याचे आदेश कायम ठेवले.
