मुंबईतील वरळी परिसरात खळबळजनक घटना घडली आहे. 60 वर्षीय पतीने 53 वर्षीय पत्नीवर गोळी झाडून तिची हत्या केली. त्यानंतर पतीने स्वतःवर गोळी झाडत आत्महत्या केली. या घटनेमुळे परिसरात एकच खळबळ उडाली. याप्रकरणी वरळी पोलिसात गुन्हा दाखल करण्यात आला आहे. कोणत्या कारणातून हत्या आणि आत्महत्या झाली याबाबत अद्याप माहिती मिळाली नाही. पोलीस याबाबत तपास करत आहेत.
देशी बनावटीच्या पिस्तुलमधून रविवारी सकाळी पतीने गोळी झाडली. ही पिस्तुल आरोपीकडे कुठून आली याबाबत पोलीस तपास करत आहेत. पोलिसांनी घटनास्थळवरून पिस्तुल जप्त केली आहे. दोन्ही मृतदेह ताब्यात घेत शवविच्छेदनासाठी रुग्णालयात पाठवले.
