“पंतप्रधान नरेंद्र मोदींनी गेल्या 11 वर्षात केलेल्या कामाचा हिशेब देशासमोर दाखवावा. त्यांनी अनावश्यक बोलू नये आणि वस्तुस्थितींबद्दल बोलावे”, असं काँग्रेस प्रदेशाध्यक्ष हर्षवर्धन सपकाळ म्हणाले आहेत. केंद्रातील मोदी सरकारच्या तिसऱ्या कार्यकाळाचं एक वर्ष आज पूर्ण होत आहे. सलग 11 वर्षे मोदी पंतप्रधान आहेत. मात्र, या काळात पत्रकारांच्या प्रश्नांच्या सरबत्तीपासून ते नेहमीच दूर राहिले आहेत. याच पार्श्वभूमीवर माध्यमांशी संवाद साधताना हर्षवर्धन सपकाळ असं म्हणाले आहेत.
हर्षवर्धन सपकाळ म्हणाले की, “2014 मध्ये मानव विकास निर्देशांक काय होता आणि आता तो काय आहे? त्यावेळी जीडीपी वाढीचा दर किती होता? आज तो किती आहे? जर त्यांनी या सर्व गोष्टी सांगितल्या तर आवाज उठवण्यात काही अर्थ असेल. अन्यथा, ते अपयशांनी भरलेले आहे. नरेंद्र मोदी यांचा हा कार्यकाळ देशाला मागे घेऊन जाईल.”
