देवांश भावसार या दीड वर्षाच्या चिमुकल्याला स्पाइनल मस्क्युलर अट्रॉफी (एसएमए) टाइप 2 हा दुर्मिळ आजार झाला आहे. त्याच्यावर बंगळुरू येथील रुग्णालयात उपचार सुरू आहेत. या आजारात रुग्णाचे स्नायू कमजोर होत जातात आणि त्याचे चालणे, खाणे अगदी श्वास घेणेही कठीण होऊन जाते. त्याच्यावर जीन थेरपी हा एकमेव उपचार असून त्यासाठी 12 कोटी रुपयांचा खर्च येणार आहे. तरी समाजातील दानशूर आणि सामाजिक बांधिलकी जपणाऱयांनी मदत करावी, असे आवाहन त्याच्या पालक आणि डॉक्टरांनी केले आहे.
देवांशच्या झालेल्या भयंकर आजाराला रोखण्यासाठी झोल्गेन्समा ही एक प्रकारची जीन थेरपी करण्यात येणार आहे. या उपचारासाठी 16 कोटींचा खर्च येणार आहे. त्याच्यावर बंगळुरूमधील बापिस्ट रुग्णालयात डॉ. अॅन अॅग्नेस यांच्या मार्गदर्शनाखाली उपचार सुरू आहेत. देवांशसाठी मदतीचा ओघ सुरू असून आतापर्यंत 64 लाख 95 हजार 790 रुपयांची मदत जमा झाली आहे. मध्यमवर्गीय कुटुंबाला 16 कोटी रुपये एवढी मोठी रक्कम जमा करणे खूप आव्हानात्मक आहे. त्यामुळे देवांशचे पालक लविना आणि हर्षल भावसार यांनी समाजातील दानशुरांना आर्थिक मदतीचे आवाहन केले आहे. मदत supportdevansh97@yeWankltd या यूपीआय आयडीवर पाठवावी.
