अमेरिकेचे उद्योगपती इलॉन मस्क यांच्या टेस्ला कंपनीने नुकतीच विनाड्रायव्हरची रोबोटॅक्सी लाँच केली आहे, परंतु लाँच होऊन आठवडा उलटत नाही तोच ही टॅक्सी वादाच्या भोवऱयात सापडली आहे. टेस्लाच्या सेल्फ-ड्रायव्हिंग रोबोटॅक्सीने वाहतुकीचे नियम मोडले आहेत. यामुळे अमेरिकेची वाहन सुरक्षा नियामक एजन्सी एनएचटीएसए (नॅशनल हायवे ट्रफिक सेफ्टी अॅडमिनिस्ट्रेशन) ने चौकशी सुरू केली आहे.
सोशल मीडियावर व्हायरल झालेल्या काही व्हिडीओंमध्ये स्पष्ट दिसत आहे की, टेस्लाची ड्रायव्हरलेस कार ट्रफिक नियम मोडत आहे. टेस्लाचे मॉडल वाय कार ही फक्त डाव्या बाजूला वळा असे लिहिलेले असतानाही ती इंटरसेक्शनमध्ये घुसत आहे. चुकीच्या दिशेने प्रवेश करत आहे. यानंतर डबल यलो लाइन पार करून पुन्हा योग्य मार्गाने धावत आहे. हे सरळ सरळ कायद्याचे उल्लंघन आहे. ट्रफिक नियमाचे उल्लंघन आहे. अन्य दुसऱया एका व्हिडीओत ड्रायव्हरलेस मॉडल वाय कारमध्ये दोन व्यक्ती मागे बसलेले आहेत. स्क्रीनवर पूल ओव्हर बटन दाबल्यास कार बाजूला कुठे तरी थांबवली पाहिजे, परंतु बटन दाबल्यानंतर कार थेट मधोमध थांबवण्यात आली. हे खूपच धोकादायक मानले जात आहे. या कारने वेगाच्या मर्यादेचेसुद्धा उल्लंघन केल्याचे समोर आले आहे. 48 किलोमीटरचा ताशी वेग पार करून लगेच 56 किलोमीटरचा वेग पकडल्याचे व्हिडीओत दिसत आहे.
हिंदुस्थान अंतराळ साधनांच्या सुरक्षेबाबतही सजग आहे. चांद्रयान, गगनयान आणि अन्य सॅटेलाईट प्रोजेक्ट पाहता एस-500ची अँटी सॅटेलाईट क्षमता फायदेशीर ठरू शकते.
