मराठी भाषेचा वारसा आपल्याला टिकवून ठेवायचा असेल तर त्याची सुरुवात स्वतःपासून केली पाहिजे. याचे उत्तम उदाहरण म्हणजे सध्या व्हायरल होत असलेला एक सुंदर व्हिडीओ. हा व्हिडीओ आहे अमेरिकेतील एका मराठी शाळेचा. होय, सातासमुद्रापार अमेरिकेत चक्क मराठी शाळा सुरू झाली आहे. शार्लट मराठी शाळा असे या शाळेचे नाव आहे. व्हायरल व्हिडीओत वयोवृद्ध माणसे, पालक शाळेचा फेरफटका मारताना दिसताहेत. तसेच व्हिडीओमध्ये इयत्ता पहिलीची मराठी पुस्तके, छत्रपती शिवाजी महाराजांचे पुस्तक अशा अनेक गोष्टी दिसतायत. इन्स्टाग्राम अकाऊंटवरून शेअर करण्यात आलेल्या व्हिडीओला तब्बल 60 लाखांहून अधिक ह्यूज आहेत. आपल्याकडे मराठी शाळा बंद पडत असताना अमेरिकेत मराठी शाळा सुरू होते हा सुखद धक्का असल्याच्या प्रतिक्रिया नेटकरी देत आहेत.
अमेरिकेतील “शार्लट” नावाची नॉर्थ कॅरोलिना मधील मराठी शाळा पहा.
महाराष्ट्रातील जे मराठी लोक आपल्या मुला-मुलींना इंग्रजी शाळेत घालतात किंवा ज्यांना मराठी शाळेत मुला-मुलींना घालण म्हणजे मागासलेपणाच लक्षण वाटत त्यांना जरुर दाखवा.
।।मराठा तितुका मेळवावा-महाराष्ट्र धर्म वाढवावा ।।🙏🚩 pic.twitter.com/hgUJluelY9— बाळासाहेबांचा महेश (@MaheshDixi32654) June 28, 2025
