सध्याच्या घडीला आपण प्रत्येकजण आरोग्याच्या बाबतीत जागरुक झालेले आहोत. म्हणूनच आता आपण आहारामध्ये काय खायचं याचा विचार करु लागलोय. उत्तम आणि परिपूर्ण आहार असल्यामुळे, निरोगी राहण्यासाठी मदत होते. आपल्या आहारातील एक दुर्लक्षित घटक म्हणजे सोयाबीन. सोयाबीन हे आपल्या शरीरासाठी पॉवरहाऊसपेक्षा कमी नाही.
चला जाणून घेऊया सोयाबीन खाण्याचे फायदे
-
सोयाबीनमध्ये चरबीचे प्रमाण खूप कमी असते आणि ते वाईट कोलेस्ट्रॉल (LDL) कमी करण्यास मदत करते. यामुळे हृदयरोगांचा धोका कमी होतो आणि आपले हृदय दीर्घकाळ निरोगी राहते.
-
सोयाबीनमध्ये कॅल्शियम आणि मॅग्नेशियम सारख्या खनिजांचा समावेश मोठ्या प्रमाणात आहे. त्यामुळे आपल्या हाडांच्या बळकटीसाठी, सोयाबीन हे अतिशय उत्तम मानले जाते. विशेषतः महिलांसाठी, रजोनिवृत्तीनंतर हाडांची कमकुवतपणा रोखण्यासाठी सोयाबीन फायदेशीर ठरू शकते.
-
सोयाबीनमध्ये फायबर आणि प्रथिने दोन्ही असतात, ज्यामुळे आपले पोटे बराच काळ भरल्यासारखे राहते. यामुळे आपण कमी खातो, त्यामुळेच आपले वजन कमी होण्यासही मदत होते.
- मधुमेहींसाठी सोयाबीन हा एक उत्तम पर्याय आहे. सोयाबीनमध्ये फायबरचे प्रमाण मुबलक आहे. त्यामुळे रक्तातील साखरेची पातळी नियंत्रित करण्यास मदत होते. म्हणूनच मधुमेहींसाठी सोयाबीन हे रामबाण उपायपेक्षा कमी नाही.
- पचनसंस्था निरोगी राहण्यासाठी सोयाबीन हे खूप उत्तम समजले जाते. यामुळे बद्धकोष्ठतासारख्या समस्यांपासून मुक्त होण्यास मदत होते. तसेच आपले आतडे निरोगी राहण्यास सोयाबीन हे खूप परिणामकारक मानले जाते.
- अनेक संशोधनातून असे सूचित होते की सोयाबीनमध्ये असलेले काही संयुगे, जसे की आयसोफ्लेव्होन्स, विशिष्ट प्रकारच्या कर्करोगाचा, विशेषतः स्तन आणि प्रोस्टेट कर्करोगाचा धोका कमी करण्यास मदत करू शकतात.
- सोयाबीनमध्ये कार्बोहायड्रेट्स आणि निरोगी चरबी असतात जे तुम्हाला दिवसभर ऊर्जा देतात. थकवा दूर करण्यासाठी आणि तुम्हाला सक्रिय ठेवण्यासाठी हे उपयुक्त आहे.
-
सोयाबीनमध्ये असलेले अँटीऑक्सिडंट्स आणि जीवनसत्त्वे आपली त्वचा निरोगी आणि चमकदार ठेवण्यास मदत करतात. केस मजबूत आणि जाड बनवण्यासाठी देखील हे उपयुक्त आहे.
-
आहारात सोयाबीन समाविष्ट करणे खूप सोपे आहे. आपण भाज्या, सूप, सॅलड किंवा सोया मिल्क आणि टोफूच्या स्वरूपात वापरू शकतो.
केवळ मुखशुद्धीसाठीच नाही तर, हा गरम मसाला रक्तदाब नियंत्रित ठेवण्यासाठी आहे सर्वोत्तम
