मसाले हे आपल्या स्वयंपाकघराचे प्राण आहेत. ते केवळ अन्नाची चव वाढवत नाहीत तर अनेक रोगांना दूर ठेवतात. आपल्या किचनमध्ये असे काही मसाले आहेत, की यांच्यामुळे कर्करोगासारख्या प्राणघातक आजारांपासून बचाव करण्यास मदत होते. हे मसाले आपल्या दैनंदिन आहारात समाविष्ट केले तर, कर्करोगाचा धोका बऱ्याच प्रमाणात कमी होतो. हे सर्व मसाले आपली रोगप्रतिकारक शक्ती मजबूत करण्याचे काम करतात. यामुळे शरीर अनेक आजारांशी लढण्यास सक्षम होते.
हळद – हळद ही आपल्या प्रत्येकाच्या किचनमध्ये असतेच. हळद नैसर्गिकरित्या शरीरातील जळजळ कमी करण्यास मदत करते. तसेच हळदीचे सेवन केल्याने ऑक्सिडेटिव्ह ताण देखील कमी होतो. यामुळे कर्करोगाचा धोका जवळजवळ नगण्य होतो. हळद सामान्यतः आपल्या प्रत्येकाच्या घरी पदार्थ करण्यासाठी वापरली जाते.
काळी मिरी– कर्करोग रोखण्यास मदत करणाऱ्या मसाल्यांमध्ये काळी मिरी देखील समाविष्ट आहे. काळी मिरी शरीरातील जळजळ कमी करण्यास देखील मदत करते. याशिवाय काळ्या मिरीमध्ये ‘पाइपरिन’ नावाचे संयुग असते. यामुळे रोगप्रतिकारक शक्ती वाढण्यास मदत होते. रोगप्रतिकारक शक्ती चांगली असल्यावर, गंभीर आजारांचा धोका आपोआप कमी होतो.
लसूण– दैनंदिन आहारात लसूण समाविष्ट करून, आपण कर्करोगाचा धोका बऱ्याच प्रमाणात कमी करू शकतो. लसूणमध्ये दाहक-विरोधी गुणधर्म असतात, जे शरीरातील जळजळ कमी करतात. याशिवाय, लसूण शरीराच्या उपचारांना गती देते. लसूण लठ्ठपणा असलेल्या लोकांसाठी देखील खूप फायदेशीर आहे.
जिरे – जिरे हा फायदेशीर मसाल्यांपैकी एक आहे. जिरे पोटासाठी सर्वात सुखदायक आणि चांगला मसाला आहे. यामुळे पचन सुधारण्यास मदत होते. याशिवाय जिऱ्यात अँटीऑक्सिडंट आणि दाहक-विरोधी गुणधर्म असतात. यामुळे पेशींना नुकसान होण्यापासून वाचवतात आणि शरीरातील हानिकारक बदलांना प्रतिबंधित करतात. म्हणूनच दैनंदिन आहारात थोडेसे जिरे समाविष्ट करणे महत्वाचे आहे.
मेथी दाणे – मेथीच्या दाण्यांचे सेवन केल्याने कर्करोगाचा धोका देखील कमी होतो. विशेषतः जर सकाळी उठल्यानंतर मेथीच्या दाण्यांचे पाणी पिण्यास सुरुवात केली तर त्याचे अनेक आरोग्य फायदे आहेत. रात्री फक्त एक चमचा मेथीचे दाणे एका ग्लासमध्ये भिजवा. नंतर सकाळी रिकाम्या पोटी ते प्या. रक्तातील साखर आणि रक्तदाब नियंत्रित करण्यास मदत होते. अनेक संशोधनात असे आढळून आले आहे की, मेथीचे दाणे स्तनाच्या कर्करोगावर उपचार करण्यासाठी देखील खूप फायदेशीर आहेत.
