मागाठाणे विधानसभा मतदारसंघातील युवासेनेच्या पदांकरिता नेमणुका करण्यात येत असून विभाग युवा अधिकारी, उपविभाग युवा अधिकारी, विधानसभा समन्वयक, विधानसभा चिटणीस, शाखा युवा अधिकारी व उपाशाखा युवा अधिकारी या पदांकरिता मुलाखती घेण्यात येणार आहेत.
मागाठाणे विधानसभेतील या मुलाखती रविवारी सकाळी 11 वाजता शिवसेना शाखा क्र. 12, देवीपाडा, बोरिवली पूर्व येथे होणार आहेत. युवासेनेचा पदाधिकारी होण्यास इच्छुक असणाऱयांनी युवासेनेचा सक्रिय सदस्य असणे आवश्यक आहे. इच्छुक उमेदवारांनी मुलाखती पूर्वी एक तास अगोदर उपस्थित राहावे. तसेच येताना आपले छायाचित्र सोबत आणावे. इच्छुक कार्यकर्त्यांसाठी माहिती अर्ज मुलाखतीच्या ठिकाणी ठेवण्यात येतील, अशी माहिती युवासेना मध्यवर्ती कार्यालयातून प्रसिद्धीस दिलेल्या पत्रकाद्वारे कळविण्यात आली आहे.
