संरक्षण खात्याने तिन्ही दलांची युद्धक्षमता वाढवण्याच्या उद्देशाने सुमारे 79 हजार कोटी रुपयांच्या शस्त्रास्त्र व लष्करी हार्डवेअर खरेदीच्या प्रस्तावांना मंजुरी दिली आहे. यात नाग क्षेपणास्त्र, पाणी व जमिनीवर चालणाऱया युद्धनौका, इलेक्ट्रॉनिक हेरगिरी व टेहळणी करणारी अद्ययावत उपकरणे यांचा समावेश आहे.
संरक्षण मंत्री राजनाथ सिंह यांच्या अध्यक्षतेखाली झालेल्या संरक्षण अधिग्रहण परिषदेच्या बैठकीत या खरेदी प्रस्तावांना मंजुरी देण्यात आली. ‘ऑपरेशन सिंदूर’नंतर खरेदीबाबतचा हा दुसरा मोठा निर्णय आहे. यापूर्वी 5 ऑगस्ट रोजी 67 हजार कोटी रुपयांच्या खरेदी प्रकल्पांना मंजुरी
देण्यात आली होती. नव्या प्रस्तावात सरकारने नाग मिसाईल सिस्टम (ट्रक्ड) एमके-2 च्या खरेदीला मंजुरी दिली आहे. नाग मिसाईल सिस्टम शत्रूची लढाऊ वाहने, बंकर किंवा अन्य क्षेत्रांतील बंदीला भेदून हिंदुस्थानी लष्कराची ताकद वाढवेल.
नौदल खरेदी : लँडिंग प्लॅटफॉर्म, 30 मिमी नौदल तोफा, आधुनिक हलके टॉर्पेडो, इलेक्ट्रो ऑप्टिकल इन्फ्रा रेड सर्च अँड ट्रक सिस्टम, दारुगोळा.
भूदल खरेदी : नाग क्षेपणास्त्र एमके-11 प्रणाली, मोबाइल इलेक्ट्रॉनिक हेरगिरी प्रणाली, उच्चप्रतीची गतिशील वाहने.
हवाई दल खरेदी : ‘कोलॅबोरेटिव्ह लाँग रेंज टार्गेट सॅचुरेशन/डिस्ट्रक्शन सिस्टिम’ व अन्य यंत्रणांची खरेदी.
