आंध्र प्रदेशमधील गोदावरी जिल्ह्यातील मारेडुमिल्ली जंगलात सुरक्षा दलाच्या जवानांनी शोध मोहिम सुरू केली होती. या मोहिमेदरम्यान बुधवारी सकाळी झालेल्या चकमकीत सात नक्षलवाद्यांचा खात्मा करण्यात आला आहे. यात चार पुरुष व तीन महिला नक्षलवाद्यांचा समावेश आहे.
मंगळवारी केला हिडमाचा खात्मा
मंगळवारी सुरक्षा दलाने या जंगलात शोध मोहिम सुरू केली होती. या मोहिमेत सुरक्षा दलाने छत्तीसगड, आंध्र प्रदेश आणि तेलंगणा या राज्यांच्या सीमेवरील दंडकारण्यावर एकेकाळी ज्याने राज्य केले आणि 500 पेक्षा जास्त जवानांचा बळी घेतला असा जहाल नक्षलवादी हिडमा माडवी याचा खात्माकेला. या कारवाईमध्ये हिडमा, त्याची पत्नी आणि अन्य चार नक्षलवाद्यांना ठार करण्यात आले. हिडमावर 10 कोटींपेक्षा जास्त बक्षीस ठेवले होते. तो किमान 25 हल्ल्यांचा सूत्रधार होता.
