देशाची अर्थव्यवस्थेचा वेग वाढला असून, सकल देशांतर्गत उत्पादन (जीडीपी) 8.2 टक्क्यांपर्यंत गेल्याची आकडेवारी पेंद्र सरकारने आज जाहीर केली. मात्र देशाचे चलन रुपयाची घसरण सुरूच आहे. शुक्रवारी अमेरिकन डॉलरच्या तुलनेत रुपयांचे मुल्य नऊ पैशांनी घसरले. एका अमेरिकन डॉलरसाठी 89.45 रुपये मोजण्याची वेळ आली.
सप्टेंबरमध्ये संपलेल्या दुसऱया तिमाहीत देशाची जीडीपी 8.2 टक्के झाली आहे. मागील आर्थिक वर्षात 2024-25 मध्ये याच तिमाहीत जीडीपीचा दर 5.6 टक्के होता. चालू आर्थिक वर्षात एप्रिल ते जून या काळात जीडीपी 7.8 टक्के होता. जीएसटीच्या दरांमध्ये कपात केल्याने पंपन्यांनी उत्पादन वाढविले. त्यामुळे ही जीडीपी वाढ दिसते. 2025-26 चा आर्थिक वर्षात जीडीपी 7 टक्क्यांपर्यंत राहण्याची शक्यता आहे.
एका डॉलरसाठी 89.45 रुपये मोजण्याची वेळ
रुपयाची घसरण सुरूच आहे. दिवसेंदिवस रुपयाची वाटचाल निच्चांकीकडे होत आहे. जीडीपी वाढीचा परिणामही रुपयाची घसरण रोखू शकला नाही. गुरूवारच्या तुलनेत शुक्रवारी रुपयाची आणखी 9 पैशांनी घसरण झाली. एका अमेरिकन डॉलरसाठी 89.45 रुपये मोजण्याची वेळ आली.
सेन्सेक्स घसरला
मुंबई शेअर बाजारात सेन्सेक्स 13.69 अंकांनी घसरला. बाजार बंद होताना सेन्सेक्स 85706 अंकांवर स्थिरावला होता. निफ्टीचा अंकही 12.60 ने घसरून 26202 वर स्थिरावला. विदेशी गुंतवणुकदारांकडून सुमारे 3795.72 कोटी रुपयांच्या शेअर्सची विक्री केली.
वित्तीय तूट वाढली
चालू आर्थिक वर्षात ऑक्टोबरपर्यंत पेंद्र सरकारची वित्तीय तूट 52.6 टक्क्यांवर गेली आहे. संपूर्ण आर्थिक वर्षाची वित्तीय तूट सात महिन्यांतच पूर्ण झाल्याने सरकारी तिजोरीत ताण वाढला आहे. गेल्या आर्थिक वर्षात 2024-25 मध्ये याच काळात वित्तीय तूट 46.5 टक्के होती.
पेट्रोल-डिझेल महागणार
आंतरराष्ट्रीय बाजारात कच्चे तेल महागले आहे. प्रतिबॅरल 63.13 डॉलर्सवर गेले असून, यामुळे पेट्रोल-डिझेलच्या किमती वाढण्याची शक्यता आहे.
