अंधेरी येथे डिलिव्हरी बॉय मोहित स्वामीच्या हत्येप्रकरणी दोघांना अंधेरी पोलिसांनी उत्तर प्रदेश येथून अटक केली. रोहित पाल आणि मनोजकुमार विश्वनाथ सोनी अशी त्या दोघांची नावे आहेत. स्वामी हा पत्नी सोबत अंधेरी येथे राहत होता. तो डिलिव्हरी बॉयचे काम करायचा. दोन दिवसांपूर्वी मरोळ पाइपलाइन येथील मोकळ्या जागेवर मोहित हा जखमी अवस्थेत आढळून आला. त्याला उपचारासाठी कूपर रुग्णालयात दाखल केले. तेथे डॉक्टरांनी त्याला मृत घोषित केले. परिमंडळ 10 चे पोलीस उपायुक्त दत्ता नलावडे यांनी अधिकाऱयांना तपासाच्या सूचना दिल्या. तपासासाठी एकूण 10 पथके तयार करून आरोपीला उत्तर प्रदेशतून ताब्यात घेतले.
