भाजपचे सरकारच घुसखोरांना रोखू शकतं, अमित शहा यांचा दावा

बातमी शेअर करा :
सामना फॉलो करा

आसाममध्ये दोन समस्या आहेत, एक पूर आणि दुसरी घुसखोरी. भाजपने राज्यातील घुसखोरी पूर्ण संपवली आहे, असा दावा केंद्रीय गृहमंत्री अमित शहा यांनी केला. तसेच भाजपचे सरकारच घुसखोरांना रोखू शकतो असेही शहा म्हणाले. अमित शहा ईशान्येकडील राज्यांच्या दौर्‍यावर आहेत. 2021 मध्ये आसाममध्ये निवडणूक होऊ घातली आहे, या पार्श्वभूमीवर गुवाहाटीमध्ये शहा यांनी अनेक विकासकामांचे उद्घाटन केले.

अमित शहा म्हणाले की, “एके काळी सर्व राज्यात फुटीरतावादी आपले अजेंडे चालवत होते. तरुणांच्या हातात बंदूक दिली जायची. हे सर्व फुटीरतवादी आपला मार्ग सोडून मुख्य प्रवाहात सामील झाले आहेत.” निवडणुकीचा काळ सुरू होणार आहे, तेव्हा पुन्हा फुटीरतावादाचा मुद्दा पुढे येईल असे शहा म्हणाले. हे लोक रंग बदलून पुन्हा तुमच्या समोर येतील असेही शहा म्हणाले.

शेतकरी आंदोलनाबाबत शहा म्हणाले की, सध्या शेतकरी कायद्यावरून मोठे आंदोलन सुरू आहे. सर्व शेतकर्‍यांनी चर्चेला यावे यावर उपाय शोधले जाईल असे आवाहनही त्यांनी या वेळी केले.