दररोज सकाळी रिकाम्या पोटी किंवा नाश्त्यासोबत 15 दिवस 2 अक्रोड खाल्ले तर ते हृदय, मेंदू, पचन आणि त्वचेसाठी वरदान ठरू शकते. परंतु कोणत्याही गोष्टीचा अतिरेक टाळला पाहिजे. कोणताही आहार हा प्रमाणात असेल तरच, आपले आरोग्य उत्तम राहील.
सुकामेवा हा आपल्या शरीरासाठी फार महत्त्वाची भूमिका बजावत असतो. आपल्या शरीराला महत्त्वाचे पोषक तत्व हे सुक्या मेव्यातून मिळत असतात. बदाम, अक्रोड, काजू, पिस्ता आणि मनुका यांसारख्या सुक्या मेव्यात प्रथिने, फायबर, जीवनसत्त्वे आणि खनिजे भरपूर प्रमाणात असतात.
Health Tips – हाडांच्या बळकटीसाठी दूधात ‘हा’ एक पदार्थ चिमूटभर घाला होतील खूप सारे फायदे, वाचा
कोलेस्टेट्रालचा त्रास असेल तर अक्रोड खाणे तुमच्यासाठी फायदेशीर ठरेल. अक्रोडमध्ये ओमेगा-3 फॅटी अॅसिडचे प्रमाण चांगले असते, जे हृदय निरोगी ठेवण्यास मदत करते. हे वाईट कोलेस्ट्रॉल (LDL) कमी करते आणि चांगले कोलेस्ट्रॉल (HDL) वाढवते, ज्यामुळे हृदयविकाराचा झटका किंवा स्ट्रोक सारख्या आजारांचा धोका कमी होतो.
सुका मेवा खाल्ल्याने हृदय निरोगी राहते. तसेच आपल्या मेंदूची कार्यक्षमताही वाढते. म्हणूनच आपल्या आहारात रोगप्रतिकारक शक्ती वाढविण्यासाठी सुकामेवा हा खूप गरजेचा आहे.
अक्रोड हे पौष्टिकतेने समृद्ध आहे. तसेच अक्रोड आपल्या आरोग्यासाठी खूप फायदेशीर मानले जाते. दररोज 2 आठवडे सतत 2 अक्रोड खाल्ले तर शरीरावर आणि मनावर अनेक सकारात्मक परिणाम दिसून येतात.
