बॉलीवूड रॅपर आणि गायक बादशाह त्याच्या नवीन गाण्यांसाठी आणि International Collab मुळे नेहमीच चर्चेत असतो. चाहते त्याच्या नवीन गाण्यांची आतुरतेने वाट पाहतात. बादशाह केवळ एक गायकच नाही तर मोस्ट एलिजिबल बॅचलर्सच्या यादीतही त्याचा समावेश होतो. कारण गेल्या काही महिन्यांपासून त्याने वजन कमी करण्यासाठी मेहनत घेतली आहे. बादशाहचे नाव अनेकदा कोणात्याही सेलिब्रेटीसोबत तरी जोडले जाते. यावेळी देखील त्याची एक कमेंट चर्चेचा विषय ठरत आहे.
रॅपर बादशाह सोशल मीडियावर खूप सक्रिय असतो. तो अनेकदा त्याच्या आयुष्याशी संबंधित अपडेट्स त्याच्या चाहत्यांसोबत शेअर करतो. दरम्यान, सोशल मीडिया साइट X वर बादशाहचे एक ट्विट व्हायरल होत आहे. या पोस्टमध्ये बादशाह अल्बेनियन गायिका दुआ लिपाबद्दल बोलताना दिसत आहे.
Dua lipa ❤️
— BADSHAH (@Its_Badshah) June 5, 2025
बादशाहने त्याच्या सोशल मीडिया हँडलवर एक पोस्ट पोस्ट केली. त्यात त्याने दुआ लिपा असे लिहून त्यासोबत एक रेड हार्ट इमोजी टाकला आहे. यानंतर चाहत्यांमध्ये चर्चांना उधाण आले आहे. अनेक चाहते बादशाह आणि दुआ लिपाच्या डेटिंगबाबत प्रश्न उपस्थित करत आहेत. एका युजरने कमेंटमध्ये बादशाहला विचारले की ‘तू दुआसोबत काम करणार आहेस का?’ या प्रश्नाच्या उत्तरात बादशाहने असे काही म्हटले ज्यामुळे चाहत्यांना बोलण्याची आणखी एक संधी मिळाली.
चाहत्याच्या कमेंटला उत्तर देताना बादशहाने लिहिले की, ‘आम्हाला आपत्य व्हावी अशी माझी इच्छा’. बादशहाच्या या विधानामुळे ते दोघेही एकमोकांना डेट करत असल्याचा अंदाज वर्तवला जात आहे. दरम्यान यापूर्वी बादशहाचे नाव पाकिस्तानी अभिनेत्री हानिया आमिरशी जोडले जात होते. हानिया बादशहाच्या कॉन्सर्टमध्येही दिसली होती.
