
नागरिकत्व संशोधन कायद्याला देशभरातून विरोध होताना दिसत आहे. दिल्ली, मुंबई, बेंगळुरू अशा देशातील महत्त्वाच्या शहरांमध्ये आंदोलने होत आहेत. अनेक भागांत आंदोलनाला हिंसक वळण लागलं आहे. अशा परिस्थितीत बेंगळुरू येथील विद्यार्थ्यांनी भन्नाट कल्पना लढवून आपलं आंदोलन शांततेत पार पाडलं आहे. नेटकऱ्यांनीही त्यांच्या या कल्पनेला दाद दिली आहे.
CAA विरोधात देशभरात उसळलेल्या हिंसक आंदोलनाला रोखण्यासाठी विविध ठिकाणी जमावबंदीचे आदेश देण्यात आले होते. 19 डिसेंबर रोजीही बेंगळुरू पोलिसांनी कलम 144 लागू करत जमावबंदी केली होती. इंडियन इन्स्टिट्युट ऑफ मॅनेजमेंटच्या बेंगळुरू इथल्या शाखेतील विद्यार्थ्यांनी एक भन्नाट कल्पना वापरत आपला निषेध तर नोंदवलाच पण कायदा आणि सुव्यवस्थाही राखली.
One side of IIM-B are students , the other side are cops. Professors and students keep their footwear outside the gate as symbolic protest against Sec 144. Cops told them If you step out we’ll arrest you. Hence they remain inside and footwear out! pic.twitter.com/TaRhDsBH5b
— Nagarjun Dwarakanath (@nagarjund) December 19, 2019
आयआयएमबीच्या विद्यार्थ्यांना संस्थेच्या गेटबाहेर आल्यास अटक करण्याचा इशारा देण्यात आला होता. त्यामुळे विद्यार्थ्यांनी त्यांच्या चपला बूट काढले आणि गेटबाहेर शिस्तबद्ध पद्धतीने ठेवले. आपल्या निषेधाचे फलकही त्यांनी गेटवर ठेवले. त्यानंतर विद्यार्थ्यांनी गेट बंद केलं आणि संस्थेच्या आतल्या भागात गेटसमोरच आंदोलन करत बसून राहिले. अतिशय शांततेने केलेल्या या कृतीमुळे पोलिसांवरील ताण कमी झाला.
Way to go #iimb.
Police didn’t allow students of IIM-B to protest outside the campus. So students left their footwear near the gates in protest. Strong visuals coming from the elite management school. pic.twitter.com/wjgkKqsMMn— anurag sehgal (@anuragpalsehgal) December 19, 2019
या आंदोलनाचे फोटो व्हायरल झाले असून नेटकरी या विद्यार्थ्यांच्या हुशारीला दाद देत आहेत. अतिशय प्रगल्भतेने त्यांनी या आंदोलनात सहभाग नोंदवल्याबद्दल नेटकरी त्यांचं कौतुक करताना दिसत आहेत. या आंदोलनाचा व्हिडीओही व्हायरल झाला आहे.






















































