अश्विन नवरात्रीला आजपासून सुरवात झाली आहे, महाकाली मंदिरात घटस्थापना करण्यात आली, नवरात्रीच्या आजच्या पहिल्याच दिवशी देवीचे दर्शन घेण्यासाठी भाविकांनी भल्या पहाटेच मंदिरात हजेरी लावल्याचं चित्र चंद्रपुरात बघायला मिळालं. चंद्रपूरचे प्रसिद्ध देवी महाकाली मंदिर आज पहाटे पाच वाजताच महाआरतीसाठी खुले करण्यात आले होते. चंद्रपूरच्या या आराध्य देवीचे दर्शन आणि पूजेसाठी भाविकांनी पहाटेपासून रांगा लावल्या आहे. गाभाऱ्यात थेट प्रवेश आज असल्याने भाविकांनी दर्शन घेत मातेला साडी-चोळी अर्पण केली. आज मंदिर परिसर भाविकांनी फुलून आलेला दिसला. चैतन्यदायी वातावरण इथं बघायला मिळालं. नवरात्रात नऊ दिवस महाकाली मंदिरात भाविकांची मोठी गर्दी असते. चार राज्यातून भाविक इथं दर्शनासाठी येत असतात. शिवाय चैत्रात मोठी जत्रा पण भरते.
