हिंदुस्थानच्या ‘चांद्रयान-3’ या महत्त्वाकांक्षी अंतराळ मोहिमेबाबत सर्वात मोठी अपडेट समोर आली आहे. ‘चांद्रयान-3’च्या प्रोपल्शन मॉड्युलपासून (Propulsion Module) विक्रम लँडर वेगळे करण्यात ISRO ला यश आले आहे. आता चंद्राच्या पृष्ठभागावर उतरण्याचा अखेरचा 100 किलोमीटरचा प्रवास विक्रम लँडरला एकट्याने करावा लागणार असून 23 ऑगस्ट रोजी त्याचे चंद्रावर लँडिंग होण्याची शक्यता आहे.
बुधवारी ‘चांद्रयान-3’ने आपली कक्षा बदलली होती. त्यामुळे इस्त्रोसाठी आज दिवस महत्त्वाचा होता. आज प्रोपल्शन मॉड्युलपासून विक्रम लँडर वेगळे करण्याचे आव्हान इस्त्रोपुढे होते. हे आव्हान यशस्वीरित्या पेलत इस्रोने विक्रम लँडर वेगळे करण्यात यश मिळवले आहे.
आता विक्रम लँडरला चंद्राच्या पृष्टभागावर उतरण्यासाठी 100 किलोमीटरचा प्रवास एकट्याने करावा लागेल. यासाठी लँडरला इंजिन अर्थात थ्रस्टर्सचा वापर करून आपला वेग नियंत्रित करावा लागेल. यासह पृष्ठभागापासूनची उंचीही हळूहळू कमी करत जावे लागेल.
Chandrayaan-3 Mission:
‘Thanks for the ride, mate! 👋’
said the Lander Module (LM).LM is successfully separated from the Propulsion Module (PM)
LM is set to descend to a slightly lower orbit upon a deboosting planned for tomorrow around 1600 Hrs., IST.
Now, 🇮🇳 has3⃣ 🛰️🛰️🛰️… pic.twitter.com/rJKkPSr6Ct
— ISRO (@isro) August 17, 2023
दरम्यान, प्रोपल्शन मॉड्युलपासून वेगळे झाल्यानंतर विक्रम लँडर आता गोलाकार ऑर्बिटमध्ये फिरणार नाही. आता 30 km x 100 km च्या अंडाकृती ऑर्बिटमध्ये फिरण्यासाठी लँडरला दोन वेळा डीऑर्बिटिंग करावे लागेल. याचा अर्थ पृष्ठभागापासूनची उंची कमी करावी लागेल आणि हळूहळू वेगही कमी करावा लागेल. यासाठी इंजिनांचा वापर केला जाईल. लँडर इंजिनांचे रेट्रोफियरिंग करेल. अर्थात इंजिन विरुद्ध दिशेला फिरवले जाईल.
