सामना प्रतिनिधी। चंद्रपूर
चंद्रपूर जिल्ह्यातील चिमूर तालुक्यात पळसगाव येथील वनविभागाच्या कार्यालयावर संतप्त पिपरडावासियांनी हल्ला चढवला. यावेळी जमावाने कार्यालय आणि वाहनांची तोडफोड केली. पिपरडा येथील महिलांना बांबू चोरी करताना वनकर्मचाऱयांनी पकडल्याने गावकरी संतप्त झाले. या महिलांना ताब्यातून सोडवा, अशी मागणी घेऊन शे-दीडशे गावकरी पळसगाव वनविभाग कार्यालयावर चालून गेले होते.या प्रकरणी वनविभागाने पोलिसात तक्रार केली असून पोलिसांनी 12 जणांविरुद्ध गुन्हा दाखल केला असून सात आरोपींना अटकही केली.
गावकरी जंगलातून बाहेर येताना दिसले की, त्यांच्यावर कारवाई करण्याच्या घटना यापूर्वीही घडल्या. त्यामुळं गावकरी चांगलेच संतापले होते. हा संताप काल तोडफोडीच्या माध्यमातून व्यक्त झाला. ताब्यात घेतलेल्या महिलांना सोडण्यास वनाधिकाऱयांनी नकार दिल्याने, गावकऱयांनी तोडफोड सुरू केली. यात कार्यालयाबाहेर असलेली शासकीय वाहन फोडण्यात आली. याला अटकाव करणाऱ्या कर्मचाऱयांनाही मारहाण झाली असून यात 9 कर्मचारी जखमी झाले.
