तेल व खनिज संपत्तीने समृद्ध व्हेनेझुएलावर अमेरिकेने आज जोरदार हल्ला चढवला. तब्बल दीडशे विमाने घुसवून अमेरिकेने राजधानी काराकससह अनेक शहरांवर बॉम्बवर्षाव केला. व्हेनेझुएलाचे राष्ट्रपती निकोलस मादुरो यांना पत्नीसह ताब्यात घेत अमेरिकेने या देशावरच कब्जा केला. हा देश आता आम्हीच चालवणार, अशी घोषणाच डोनाल्ड ट्रम्प यांनी केली. अमेरिकेच्या या कृतीमुळे जगभरात खळबळ उडाली आहे.
डोनाल्ड ट्रम्प पुन्हा सत्तेत आल्यापासूनच त्यांनी व्हेनेझुएलाचे अध्यक्ष निकोलस मादुरो यांना लक्ष्य केले होते. मादुरो हे ड्रग्ज तस्करांच्या टोळ्या पोसत असून अमेरिकेला त्यांच्यापासून धोका असल्याचा आरोप केला होता. मादुरो यांनी हा आरोप फेटाळून लावला होता. दोन्ही नेत्यांमधील शाब्दिक चकमकीमुळे तणाव वाढला होता. गेल्या काही महिन्यांपासून अमेरिकेने व्हेनेझुएलाला लष्करीदृष्टय़ा घेरायला सुरुवात डोनाल्ड ट्रम्प पुन्हा सत्तेत आल्यापासूनच त्यांनी व्हेनेझुएलाकडे मोर्चा वळवला होता. मादुरो हे ड्रग्ज तस्करांच्या टोळ्या पोसत असून अमेरिकेला त्यांच्यापासून धोका असल्याचा आरोप केला होता. मादुरो यांनी हा आरोप फेटाळून लावला होता. गेल्या काही महिन्यांपासून अमेरिकेने व्हेनेझुएलाला लष्करीदृष्टय़ा घेरायला सुरुवात केली होती. अखेर आज हल्ला करण्यात आला.
ट्रम्प काय म्हणाले…
व्हेनेझुएलावरील हल्ल्यानंतर ट्रम्प यांनी ट्वीट केले आहे. ‘आमच्या सैन्याने मादुरो आणि त्यांची पत्नी सिलिया फ्लोरेस हिला ताब्यात घेतले आहे. त्यांना देशाबाहेर नेण्यात आले आहे. मादुरो यांच्यावर अमेरिकेत खटला चालवला जाईल,’ असे अमेरिकी सरकारच्या सूत्रांनी सांगितले.
अमेरिकेकडून तिसऱ्यांदा अशी कारवाई
एखाद्या देशाच्या प्रमुखाला अटक करण्याची कारवाई अमेरिकेने पहिल्यांदाच केलेली नाही. याआधी 2003 मध्ये अमेरिकेने इराकवर हल्ला केला होता. तेव्हा इराकचे राष्ट्राध्यक्ष सद्दाम हुसेन यांना अटक करण्यात आली होती. नंतर त्यांना फाशी देण्यात आली, तर 1989 साली पनामा देशावर हल्ला करून अमेरिकेने तेथील हुकूमशहा मॅन्युएल नोरिएगा यांना ताब्यात घेतले होते.
जगभरातून हल्ल्याचा निषेध
अमेरिकेने व्हेनेझुएलावर केलेल्या हल्ल्याचा जगभरातून निषेध होत आहे. रशिया, ब्राझील, क्युबा, मेक्सिकोने या हल्ल्याचा निषेध केला. या हल्ल्यात ब्रिटनचा सहभाग नाही. आम्ही आंतरराष्ट्रीय कायद्यांना बांधील आहोत, असे पंतप्रधान कीर स्टार्मर यांनी स्पष्ट केले. युरोपीयन युनियनने दोन्ही देशांना संयम राखण्याचे आवाहन केले. हिंदुस्थानातील डाव्या पक्षांनीही या हल्ल्याचा निषेध केला.
हातात बेड्या, डोळ्याला पट्टी
ट्रम्प यांनी मादुरा यांच्या हातात बेडय़ा आणि डोळ्याला पट्टी बांधलेले छायाचित्र पोस्ट केले आहे. मादुरो यांना विमानात बसवून अमेरिकेत नेत असतानाचे आणखी एक छायाचित्र ट्रम्प यांनी पोस्ट केले.
