स्वयंपाकघर स्वच्छ ठेवणं ही खरंतर एक कसरत असते. किचनमध्ये दिवसभर उभं राहून स्वयंपाक करणं. त्यानंतर किचनची स्वच्छता करणं हे जिकीरीचं काम आहे. आपल्या प्रत्येकाला स्वयंपाकघर चकचकीत आणि स्वच्छ दिसावे असे वाटत असते. त्याकरता आपण विविध उपाय करतो. परंतु अगदी साध्या सोप्या वस्तू आणि पदार्थांच्या माध्यमातूनही आपले किचन चकाचक होईल.
बेकिंग सोडा
बेकिंग सोडा स्वच्छतेसाठी सर्वात जास्त वापरला जातो आणि तो खूप प्रभावी देखील आहे. तुम्हाला स्वयंपाकघरातील बेसिन एरिया स्वच्छ करायचा असेल, तर बेकिंग सोड्यात लिंबाचा रस मिसळा आणि पेस्ट बनवा आणि बेसिन स्वच्छ करा. या उपायाने तुमचे स्वयंपाकघरातील बेसिन पूर्वीपेक्षा जास्त चमकू लागेल.
व्हिनेगर
नळ किंवा स्वयंपाकघरातील इतर भाग स्वच्छ करण्यासाठी व्हिनेगर हा सर्वोत्तम उपाय आहे. व्हिनेगर सर्व प्रकारचे डाग सहजपणे काढून टाकते. यासाठी एका भांड्यात व्हिनेगर आणि पाणी घालून द्रावण तयार करा आणि स्क्रबच्या मदतीने ते स्वच्छ करा.
लिंबू
नळावरील घाण आणि डाग काढून टाकण्यासाठी लिंबाचा रस हा सर्वोत्तम उपाय आहे. लिंबाचा वापर करून, कोणतीही घाण सहजपणे साफ करू शकाल दुर्गंधी देखील दूर करु शकाल. लिंबाच्या रसात मीठ मिसळून नळ 10 मिनिटे घासून घ्या आणि नंतर धुवा.
