मुंबईत धमकीचे मेल आणि फोन यायचे सत्र सुरूच आहे. आता कांदीवली आणि गोवंडी येथील आंतरराष्ट्रीय शाळांमध्ये बॉम्बस्फोट घडवून आणण्याची धमकी देणारे ईमेल आल्याने खळबळ उडाली आहे. याप्रकरणी मुंबई पोलीस अधिक तपास करीत आहेत.
कांदिवली येथील आंतरराष्ट्रीय शाळेत धमकी बॉम्बस्पह्ट होणार असल्याचा ईमेल आला होता. याप्रकरणी समता नगर पोलीसांनी अनोळखी व्यक्तीविरोधात धमकी देऊन भीती निर्माण केल्याप्रकरणी गुन्हा दाखल केला आहे. कांदिवलीपाठोपाठ गोवंडी येथील आंतरराष्ट्रीय शाळेलाही बॉम्बस्पह्ट घडवून आणण्याची धमकी देण्यात आली आहे. तेथेही दिवीज प्रभाकर लक्ष्मी नावाच्या व्यक्तीचा समावेश आहे. दोन्ही प्रकरणामध्ये एकाच व्यक्तीचा सहभाग असल्याचा संशय आहे. याप्रकरणी देवनार पोलीस ठाण्यात गुन्हा दाखल केला आहे.
