देशभरातील टोल नाक्यांवरील फास्ट टॅगला आता बिलकूल मुदतवाढ मिळणार नाही, असे केंद्रीय रस्ते वाहतूक मंत्री नितीन गडकरी यांनी बजावले आहे. सोमवारी मध्यरात्रीपर्यंत वाहनांवर फास्ट टॅग लावावाच लागेल. तसे न केल्यास वाहनचालकांना टोलच्या दुप्पट रक्कमेचा दंड भरावा लागेल, असे आदेश सरकारने दिले आहेत. ज्यांच्या वाहनावर फास्ट टॅग आहे पण कामच करत नाही त्यांनाही दंडाला सामोरे जावे लागेल. फास्ट टॅगला दोन-तीन वेळा मुदतवाढ दिली होती, पण आता शक्य नाही असे गडकरी म्हणाले. सर्व टोल नाक्यांवर फास्ट टॅग सुविधा आहे याची आठवणही त्यांनी करून दिली.
