उत्तराखंडमधील केदारनाथ धाम येथून गुप्तकाशीला जाणारे हेलिकॉप्टर कोसळले आहे. गौरीकुंड-सोनप्रयागच्या जंगलामध्ये हे हेलिकॉप्टर कोसळल्याची प्राथमिक माहिती मिळत असून या दुर्घटनेत 7 जणांचा मृत्यू झाला आहे. मृतांमध्ये एका लहान बाळाचाही समावेश आहे.
मिळालेल्या माहितीनुसार, आर्यन एव्हिगेशनचे हे हेलिकॉप्टर होते. रविवारी सकाळी या हेलिकॉप्टरने केदारनाथहून गुप्तकाशीच्या दिशेने उड्डाण घेतले होते. पहाटे 5.20 च्या सुमारास हेलिकॉप्टरचा संपर्क तुटला. गौरीकुंड-सोनप्रयागच्या जंगलामध्ये हे हेलिकॉप्टर कोसळल्याचे नंतर स्पष्ट झाले. याचा व्हिडीओही सोशल मीडियावर व्हायरल झाला आहे.
#UPDATE | The helicopter that went missing in Gaurikund has crashed. There were six people on board the crashed helicopter. More details awaited: Uttarakhand ADG Law and Order, Dr V Murugeshan https://t.co/vDaSNjtSva
— ANI (@ANI) June 15, 2025
उत्तराखंडच्या नागरी विमान वाहतूक प्राधिकरणानेही याची पुष्टी केली आहे. या हेलिकॉप्टरमध्ये पायलटसह 7 जण होते. हेलिकॉप्टरमधील प्रवासी उत्तराखंड, उत्तर प्रदेश, महाराष्ट्र आणि गुजरातमधील असून मदत आणि बचाव कार्यासाठी एनडीआरएफ, एसडीआरएफची पथके घटनास्थळी रवाना झाल्याची माहिती यूसीएडीएने दिली.
Uttarakhand helicopter crash | Today, at around 5:20 am, a helicopter, which was going from Shri Kedarnath Dham to Guptkashi, has been reported to have crashed near Gaurikund. There were six passengers, including the pilot (5 adults and 1 child). The passengers in the helicopter… pic.twitter.com/AVGtuxWKGj
— ANI (@ANI) June 15, 2025
दरम्यान, अपघातानंतर हेलिकॉप्टरचे तुकडे होऊन आग लागली असून यात मृतदेहही जळाल्याचे कळते. उत्तराखंडचे मुख्यमंत्री पुष्कर सिंह धामी यांनीही या अपघाताबाबत ट्विट केले आहे. रुद्रप्रयाग जिल्ह्यामध्ये हेलिकॉप्टर कोसळल्याची घटना दु:खद आहे. एसडीआरएफ, स्थानिक प्रशासन आणि बचाव पथक मदत आणि बचाव कार्यात उतरले आहे, अशी माहिती त्यांनी दिली.
Uttarakhand CM Pushkar Singh Dhami tweets, “Very sad news has been received about a helicopter crash in Rudraprayag district. SDRF, local administration and other rescue teams are engaged in relief and rescue operations. I pray to Baba Kedar for the safety of all the travellers.” pic.twitter.com/mt5GXQBS97
— ANI (@ANI) June 15, 2025
