घरी धार्मिक विधी करताना अपार्टमेंटला आग लागल्याने हिंदुस्थानी महिलेचा युएईत दुर्दैवी मृत्यू झाल्याचे समोर आलं आहे. महिलेची ओळख अद्याप पटलेली नाही. संयुक्त अरब अमिरातीच्या शारजाह येथे ही घटना घडली. मयत महिलेची ओळख अद्याप पटली नाही.
अल मजाज परिसरातील 11 मजली इमारतीतील राहत्या अपार्टमेंटमध्ये ही 46 वर्षीय महिला विशेष धार्मिक विधी करत असताना आग लागली. आगीत महिलेचा फ्लॅटचे मोठे नुकसान झाले. महिलेचा मृतदेह शवविच्छेदनासाठी पाठवण्यात आला आहे. आपत्कालीन कॉल आल्यानंतर नागरी संरक्षण पथके आणि पोलिसांनी तात्काळ घटनास्थळी धाव घेतली. पोलिसांकडून तपास सुरू आहे.
