‘कांदा निर्यात बंदी उठवलीच नाही…’ ‘व्यापाऱ्यांना तारा आणि शेतकऱ्यांना मारा असा या सरकारचा नारा!’- जयंत पाटील

बातमी शेअर करा :
सामना फॉलो करा

कांदा निर्यात बंदी उठवली म्हणून काही जण उगाच टाळ्या वाजवत होते. सत्य परिस्थिती ही आहे की कांदा निर्यातबंदी उठवलीच गेली नाही. व्यापाऱ्यांना तारा आणि शेतकऱ्यांना मारा असा या सरकारचा नारा आहे अशी जहरी टीका राष्ट्रवादी काँग्रेस पक्ष – शरदचंद्र पवार पक्षाचे प्रदेशाध्यक्ष जयंत पाटील यांनी सरकारवर केली आहे.

याबाबत अधिक बोलताना ते म्हणाले की, राज्यात चालू रब्बी हंगामात चार लाख 32 हजार 798 हेक्टरवर कांदा लागवड झाल्याची माहिती आहे. त्यातून हंगामअखेर सुमारे 86 लाख टन कांदा उत्पादनाचा अंदाज आहे. सरकार निर्यातबंदी कायम ठेवत असेल तर कांद्याच्या दरात आणखी घसरण होऊ शकते व शेतकऱ्यांचे पुन्हा अजून नुकसान होऊ शकते. आपल्या एक्स हँडलवरून जयंत पाटील यांनी ही भूमिका जाहीर केली आहे.