उत्तराखंडमधील पवित्र तीर्थस्थान केदारनाथ धामची यात्रा सध्या सुरू आहे. बुधवारी या भागात मुसळधार पाऊस पडला. यामुळे चार तास यात्रा स्थगित करण्यात आली. मुनकटिया डोंगराळ भागात सातत्याने भूस्खलन होत असल्यामुळे रस्त्यावर मातीचा ढिगारा पडत आहे. त्यामुळे या रस्त्यांवरून जाताना भाविकांना अडचणी येत आहेत. खबरदारीचा उपाय म्हणून प्रशासनाने सोनप्रयाग ते गौरीकुंड यात्रा तात्पुरती थांबवली. केदारनाथ यात्रेला आलेल्या भाविकांच्या सुरक्षेला प्राधान्य दिले जात आहे. मुसळधार पावसात पायी जाणाऱ्या मार्गावर दगड कोसळण्याची भीती आहे. त्यामुळे चार तास यात्रा थांबवण्यात आली होती. केदारनाथ हायवे काकडा गादमध्येही लागोपाठ भूस्खलन होत आहे. कुठे काही दुर्घटना घडली की नाही, यासाठी काही मार्गावरील सीसीटीव्ही कॅमेऱ्याची मदत घेतली जात आहे.
