केरळमध्ये गेल्या तीन दिवसांत रॅगिंगची दुसरी घटना घडली आहे. येथील कन्नूर जिल्ह्यातील सरकारी उच्च माध्यमिक शाळेतील पाच विद्यार्थ्यांना एका ज्युनियरचा अमानुष छळ केल्याप्रकरणी अटक करण्यात आली आहे. 12 फेब्रुवारी रोजी घडलेली रॅगिंगची ही घटना आज उघडकीस आली. आदेश न पाळल्याबद्दल बारावीतील विद्यार्थ्यांनी अकरावीतील विद्यार्थी मोहम्मद निहालचा हात मोडला आणि बेदम मारहाण केली. अलीकडेच कोट्टायममधील एका नर्सिंग कॉलेजमध्ये पाच विद्यार्थ्यांनी तीन ज्युनियर विद्यार्थ्यांना नग्नावस्थेत मारहाण करून त्याचा व्हिडीओ काढला होता.
ज्युनियर विद्यार्थ्याचा हात मोडल्याप्रकरणी पाच विद्यार्थ्यांविरुद्ध मारहाणीचा गुन्हा दाखल करण्यात आला आहे. यापैकी तिघांना अटक करण्यात आली, तर इतर दोन आरोपींचा शोध सुरू आहे. पोलिसांनी आरोपींविरुद्ध रॅगिंग प्रतिबंधक कायद्याअंतर्गत गुन्हा दाखल केला आहे. तसेच शाळा प्रशासनाने पाचही आरोपींवर निलंबनाची कारवाई केली आहे.
