ठाण्यात अनधिकृत बांधकाम करण्याऱ्यांची भुमाफियांची मग्रुरी वाढली आहे. ठाण्यात अनधिकृत बांधकाम करण्याऱ्यांविरोधात कारवाई करायला गेलेल्या एका अधिकाऱ्यावर भुमाफियांनी हल्ला केला आहे. या ठिकाणी पोलिसांनी घटनास्थळी धाव घेतली असून हल्लेखोरांना ताब्यात घेतले आहे.
मिळालेल्या माहितीनुसार ठाणे महानगर पालिकेचे दिवा प्रभाग समिती सहायक आयुक्त भालचंद्र घुगे हे अनधिकृत बांधकामांवर कारवाई करायला गेले होते. तेव्हा काही भुमाफियांनी त्यांच्यावर हल्ला केला. पोलिसांनी वेळीच धाव घेतली आणि पुढचा अनर्थ टळला. या प्रकरणी पोलिसांनी भुमाफियांना ताब्यात घेतले असून पुढील चौकशी सुरू आहे.
