नगर तालुका पोलीस स्टेशनच्या तपास पथकाने बनावट चलनी नोटांचे रॅकेट उघडकीस आणत मोठी कारवाई केली. 27 जुलै 2025 रोजी आंबीलवाडी शिवारात पाचशे रुपयांच्या बनावट नोटांसह फिरणाऱ्या निखील शिवाजी गांगर्डे (वय 27, रा. कुंभळी, ता. कर्जत) आणि सोमनाथ माणिक शिंदे (वय 25, रा. तपोवन रोड) यांना महिंद्रा थार गाडीतून ताब्यात घेतले.
सपोनी प्रल्हाद गिते यांनी मिळालेल्या गोपनीय माहिती मिळाली की, दोन संशयित काळ्या महिंद्रा थारमधून बनावट नोटा घेऊन आंबीलवाडी शिवारात सिगारेट खरेदी करत आहेत. पथकाने तात्काळ सापळा रचून निखील गांगर्डे आणि सोमनाथ शिंदे यांना ताब्यात घेतले. त्यांच्याकडून 80 हजार रुपयांच्या बनावट नोटा जप्त केल्या.
पोलिसांनी 59 लाख 50 हजार रुपयांच्या बनावट नोटा, 2 लाख 16 हजर रुपयांचे कागद आणि शाई, तसेच 27 लाख 90 हजार 600 रुपयांचे मशीन, संगणक आदी साहित्य जप्त केले. एकूण 88 लाख 20 हजार 600 रुपयांचा मुद्देमाल हस्तगत केला. या कारवाईत सपोनी प्रल्हाद गिते, पोसई भरत धुमाळ, पोहेकॉ सुभाष थोरात, रविकिरण सोनटक्के, बाबासाहेब खेडकर, मंगेश खरमाळे, शरद वांढेकर, खंडू शिंदे, सागर मिसाळ, राजू खेडकर, विक्रांत भालसिंग आणि मोहिनी कर्डक यांचा सहभाग होता. पोलीस अधीक्षक सोमनाथ घार्गे, अपर पोलीस अधीक्षक वैभव कलुबर्मे आणि उपविभागीय अधिकारी अमोल भारती यांच्या मार्गदर्शनाखाली ही कारवाई करण्यात आली. अंबादास ससाणे फरार असून, त्याचा शोध सुरू आहे.
