अंधेरी पश्चिम येथील बेकायदा बांधकामांवर पालिकेने कारवाई करून बांधकामे हटवली आहेत. पालिकेच्या ‘के’ पश्चिम अंधेरी प्रशासकीय विभागाकडून ही कारवाई करण्यात आली. यामुळे अंधेरीकरांची वाहतूककोंडीतून सुटका झाली आहे.
परीमंडळ-3चे उपआयुक्त विश्वास मोटे यांच्या मार्गदर्शनात सहाय्यक आयुक्त चक्रपाणी अल्ले यांच्या निर्देशानुसार वीरा देसाई मार्ग, कॅप्टन सामंत मार्ग, जे.पी. मार्ग व अपना बाजार परिसरात रस्ते व पदपथांवरील अनधिकृत बांधकामे हटविण्यात आली. यामुळे सार्वजनिक रस्ते व पदपथ मोकळे झाल्याने नागरिकांच्या सुरक्षिततेला प्राधान्य मिळाले आहे.
