रोटरी क्लब ऑफ मुंबई, दहिसरतर्फे गरजू विद्यार्थ्यांसाठी शैक्षणिक उपक्रमांतर्गत 81 लॅपटॉपचे वितरण करण्यात आले. या उपक्रमामुळे अनेक विद्यार्थ्यांना आधुनिक तंत्रज्ञानाचा वापर करून शिक्षणाची संधी मिळणार असून त्यातून त्यांचे उज्ज्वल भवितव्य घडण्यास मदत होईल.
क्लबचे अध्यक्ष रोटेरियन जयंत पवार, सचिव रोटेरियन प्रकाश कामठे, प्रकल्प संचालक सी.पी.पी. रोटेरियन राजेंद्रन उन्नीपृष्णन आणि माजी रोटरी जिल्हा राज्यपाल श्रीरंग प्रभू यांच्या मार्गदर्शनाखाली विद्या मंदिर शाळेत हा सोहळा पार पडला. या सभागृहाची व्यवस्था राजू गरोडिया यांनी उपलब्ध करून दिली. यावेळी रोटरी जिल्हा राज्यपाल रोटेरियन डॉ. मनीष मोटवाणी प्रमुख अतिथी म्हणून उपस्थित होते. या उपक्रमासाठी नवमी इंडस्ट्रीचे राजेश पंचमिया, ऑरा फार्मास्युटिकलचे संतोष डि’सिल्वा, एक्सपोनेन्शिया एआयचे संजीव गांधी, सिस्टिम प्लसचे निपुंज जव्हेरी आणि सिमसॉन फार्माचे पी. एस. राव यांचे मोलाचे सहकार्य लाभले.
