सामना ऑनलाईन, मुंबई
देशभरात घरगुती गॅस सिलिंडरच्या किंमती वाढल्या असून दिवाळीपूर्वी झालेल्या या भाववाढीमुळे सामान्य माणसाची वाट लागणार आहे. विनाअनुदानित सिलिंडरची किंमत 60 रुपयांनी वाढली असून अनुदानित गॅसची किंमत २ रुपये ९४ पैशांनी वाढली आहे. बुधवारी मध्यरात्रीपासून ही भाववाढ लागू झाली आहे.
इंडीयन ऑईल कॉर्पोरेशनने दिलेल्या माहितीनुसार 14.2 किलोच्या अनुदानित सिलिंडरच्या किंमती 502.40/-रुपयांवरून 505.34/- रुपये इतकी झाली आहे. विनाअनुदानित सिलिंडरच्या किंमती 60 रुपयांनी वाढून 880 रूपये इतकी झाली आहे.
