हिंदुस्थानातील पहिले फ्लोटिंग मार्केट पश्चिम बंगालमधील कोलकाता येथे उभारण्यात आले (जानेवारी 2018). या मार्केटमध्ये भाजीपाल्यापासून ते धान्य, कपडे व इतर गृहपयोगी वस्तूही मिळतात.
हिंदुस्थानव्यतिरिक्त हाँगकाँगमध्ये प्रसिद्ध एवरडीन फ्लोटिंग व्हीलेज आहे. येथे 600 पेक्षा जास्त बोटींमध्ये व्यापार होतो. या मार्केटमध्ये बोटिंवर वेगवेगळे पदार्थ मिळतात. त्यामुळे येथे खवैय्यांची मोठी गर्दी असते.
जगातील प्रसिद्ध फ्लोटिंग मार्केटमध्ये थायलंडच्या फ्लोटिंग मार्केटची गणना होते. बँकॉक पासून शंभर किलोमिटर अंतरावर असलेले डेम्नोएन सडुक फ्लोटिंग मार्केट हे पर्यटकांचे मोठे आकर्षण आहे.
व्हिएतनाममध्ये 1915 साली 'फुंग हेप' नावाचे पहिले फ्लोटिंग मार्केट उभारण्यात आले आहे.या देशात फ्लोटिंग मार्केट संस्कृतीचा मोठा चाहता वर्ग आहे.
