रशियाची राजधानी मॉस्कोवर युक्रेनने सलग तीन दिवस ड्रोन हल्ले केले. 17 महिन्यांहून अधिक काळ चाललेल्या युद्धानंतर, रशियावर ड्रोन हल्ले करून बाजी मारली आहे असे वाटत असतानाच रशियाने युक्रेनशी सलंग्न असलेल्या क्रीमियावर २० ड्रोन हल्ले केले. रशियाच्या संरक्षण मंत्रालयाने शनिवारी सांगितले की, रशियाच्या 20 ड्रोननी क्रिमियाला एका रात्रीत लक्ष्य केले. रशियन हवाई संरक्षणाद्वारे चौदा ड्रोन हल्ले करण्यात आले आणि सहा इलेक्ट्रॉनिक पद्धतीने जाम करण्यात आले, यामध्ये कोणतीही जीवितहानी किंवा नुकसान झाले नाही असा दावा रशियाकडून करण्यात आला आहे. याखेरीज रशियाने शनिवारी दावा केला की त्यांनी युक्रेनच्या पूर्वेकडील लुहान्स्क प्रदेशातील उरोझाइन गावावर पुन्हा एका रात्रीत ताबा मिळवला आहे. युक्रेनच्या ईशान्य खार्किव प्रदेशात रशियन गोळीबारात शनिवारी पहाटे 73 वर्षीय महिलेचा मृत्यू झाला, असे गव्हर्नर ओलेह सिनेहुबोव्ह यांनी सांगितले. युक्रेनचे अंतर्गत व्यवहार मंत्री इहोर क्लायमेन्को यांनी सांगितले की, युक्रेनच्या अंशतः व्यापलेल्या दक्षिणेकडील झापोरिझ्झिया प्रदेशातील ओरिखिव शहरावर रशियन हवाई बॉम्बच्या हल्ल्यात एक पोलीस अधिकारी ठार झाला आणि 12 लोक जखमी झाले. जखमींपैकी चार पोलिस अधिकारीही आहेत, असे त्यांनी सांगितले. स्थानिक अधिकार्‍यांनी सांगितले की, युक्रेनियन राष्ट्राध्यक्ष व्होलोडिमिर झेलेन्स्की यांचे मूळ गाव असलेल्या क्रिव्ही रिह या मध्य युक्रेनियन शहरात शनिवारी सकाळी स्फोट झाले, परंतु कोणतीही जीवितहानी झाली नाही.
