जम्मू कश्मीरमधील अनंतनाग जिल्ह्यात जवान व दहशतवाद्यांमध्ये शनिवारी सकाळी झालेल्या चकमकीत दोन दहशतवाद्यांचा खात्मा करण्यात आला. हे दहशतवादी हिजबुल मुजाहिद्दीन या संघटनेचे असून त्यांच्याकडून तीन ग्रेनेड व दोन रायफल्स जप्त करण्यात आल्या आहेत.
Jammu and Kashmir: A joint operation was launched in early hours today on intelligence input in Lallan of Anantnag district. Cordon was laid & contact established. Firefight ensued. Two terrorists eliminated. Operation in progress.
— ANI (@ANI) June 13, 2020
जम्मू कश्मीर पोलीस व लष्कराच्या जवानांनी शनिवारी पहाटे गुप्तचर यंत्रणांनी दिलेल्या माहितीच्या आधारे अनंतनागमधील निपोरा भागात शोधकारवाई सुरू केली. त्यावेळी दहशतवाद्यांनी जवानांवर अंदाधुंद गोळीबार केला. या गोळीबारानंतर सुरू झालेल्या चकमकीत आता पर्यंत दोन दहशतवाद्यांचा खात्मा करण्यात आला आहे.
दोन दिवसांपूर्वी राजौरी जिल्ह्यातील प्रत्यक्ष नियंत्रण रेषेवर पाकिस्तानने गोळीबार व उखळी तोफांचा हल्ला करत शस्त्रसंधीचे उल्लंघन केले होते. या हल्ल्यात एक जवान शहीद झाला तर एक सामान्य नागरिक जखमी झालेला.
