शिवसेना (उद्धव बाळासाहेब ठाकरे) पक्षाने बदलापूर शहरात नव्या शाखेचे तोरण बांधले आहे. त्या माध्यमातून लोकाभिमुख कामांचा झंझावात निर्माण केला असून सर्वसामान्य नागरिकांच्या समस्या सोडवण्याचा निर्धार युवासेना शहर सचिव भावेश तांबे व महिला उपशहर संघटक दक्षता तांबे यांनी केला आहे. शिवसेनेची शाखा तसेच जनसंपर्क कार्यालयाच्या माध्यमातून बदलापूरवासीयांना न्याय दिला जाणार आहे.
शाखेचे उद्घाटन मुंबईच्या माजी महापौर किशोरी पेडणेकर यांच्या हस्ते झाले. शाखा उद्घाटन सोहळ्याला शिवसैनिक, युवासैनिक, महिला आघाडी, अंगीकृत संघटना आणि नागरिक मोठ्या संख्येने उपस्थित होते. यावेळी बोलताना बालहक्क संरक्षण संघटना ठाणे जिल्हा अध्यक्ष, महिला उपशहर संघटक दक्षता तांबे म्हणाल्या, शिवसेनेमुळे बदलापुरतील लैंगिक अत्याचार प्रकरणाला वाचा फुटली. शाळा आणि दोषींवर कारवाईसाठी बालहक्क आयोगातर्फे प्रशासकीय पाठपुरावा आपण केला होता.
बदलापूर ग्रामीण रुग्णालय येथे सोयीसुविधा वाढण्यासाठी दिलेली धडक, स्मार्ट मीटरला समाजसेवेचा वसा शहरात विविध ठिकाणी स्पीड ब्रेकर बसवण्यासाठी बदलापूर शहर सचिव आणि ग्राहक संरक्षण कक्षाचे शहर अध्यक्ष भावेश तांबे यांनी पाठपुरावा केला. याशिवाय सात वर्षांपासून बदलापूर गावामध्ये पाणी समस्या, नाला आणि कचऱ्याचा प्रश्न जटिल बनला होता. शिवसेनेने नगर परिषदेला याठिकाणी सुधारणा करण्यास भाग पाडल्याचे भावेश तांबे यांनी सांगितले.
विरोध, मुलांच्या शाळांच्या तक्रारीची सोडवणूक याबरोबरच शहरातील विविध प्रश्नांच्या सोडवणुकीसाठी आपण सातत्याने पाठपुरावा केल्याचे त्यांनी सांगितले. याशिवाय महिलादिनी सरकारी कर्मचारी महिला, आशा सेविका, महिला पोलीस यांचा सन्मान, नायर रुग्णालयात बदलापूरमधून जाणाऱ्या रुग्णांना तिथे तातडीची वैद्यकीय मदत, बदलापुरात बंद झालेली धूर फवारणी पुन्हा चालू करणे यासाठी शिवसैनिक कायमच तत्पर असल्याचेही दक्षता तांबे यांनी सांगितले.
