सध्या रशिया एकाचवेळी अनेक संकटांना तोंड देत आहे. युक्रेनचे ड्रोन हल्ले सुरूच आहेत. तसेच या युद्धाचे दूरगामी परिणाम आणि त्यात आता नव्या संकटाची भर पडली आहे. रशियासाठी काम करणाऱ्या तीन संशयित हेरांना ब्रिटनमध्ये अटक करण्यात आली आहे आणि राष्ट्रीय सुरक्षा तपासात त्यांच्यावर आरोप ठेवण्यात आले आहेत. ऑर्लिन रुसेव्ह, 45, ग्रेट यार्माउथ, नॉरफोक बिझर झाम्बाझोव्ह, 41, हॅरो, उत्तर-पश्चिम लंडन 31 वर्षीय कॅटरिन इव्हानोव्हा यांच्यावर बनावट ओळखपत्रे बाळगल्याचा आरोप आहे. शिवाय ते रशियन सुरक्षा सेवांसाठी काम करत होते असा आरोप आहे.
या तिघांकडे यूके, बल्गेरिया, फ्रान्स, इटली, स्पेन, क्रोएशिया, स्लोव्हेनिया, ग्रीस आणि झेक या देशांसाठी वेगवेगळे पासपोर्ट, ओळखपत्र आणि इतर दस्तऐवज सापडली. त्यांना मेट्रोपॉलिटन पोलिसांच्या दहशतवादविरोधी गुप्तहेरांनी ताब्यात घेतले आहे. रुसेव्ह 2009 मध्ये यूकेला गेले आणि तीन वर्षे वित्तीय सेवांमध्ये कार्यरत होते. रुसेव्ह, यांचा सर्वात अलीकडील पत्ता ग्रेट यार्माउथमधील समुद्रकिनारी अतिथीगृह आहे, त्यांनी बल्गेरियन ऊर्जा मंत्रालयाचे सल्लागार म्हणून काम पहिले आहे.
हॅरोमध्ये मिस्टर झम्बाझोव्हचे वर्णन हॉस्पिटल्ससाठी ड्रायव्हर म्हणून केले जाते आणि इव्हानोव्हा प्रयोगशाळा सहाय्यक म्हणून काम पाहते. सुमारे एक दशकापूर्वी यूकेला गेलेल्या या जोडीने बल्गेरियन लोकांना सेवा पुरवणारी एक सामुदायिक संस्था चालवली, ज्यात त्यांना “ब्रिटिश समाजाची संस्कृती आणि नियम” यांची ओळख करून दिली. तिन्ही आरोपींवर जानेवारीमध्ये लंडनमधील ओल्ड बेली येथे खटला चालणार आहे.
