राष्ट्रकुल क्रीडा स्पर्धेत 24 वर्षांनंतर क्रिकेट

202

राष्ट्रकुल क्रीडा स्पर्धेत तब्बल 24 वर्षांनंतर क्रिकेटची रंगत पाहायला मिळणार आहे. 2022 सालामध्ये बर्मिंगहॅम येथे होणाऱ्या राष्ट्रकुल गेम्समध्ये महिला टी-20 क्रिकेट स्पर्धेचा समावेश करण्यात आला आहे. राष्ट्रकुल गेम्स फेडरेशन व आयसीसी यांच्याकडून मंगळवारी याबाबत माहिती देण्यात आली. महिलांच्या टी-20 स्पर्धेत आठ संघांमध्ये चुरस पाहायला मिळणार असून ही स्पर्धा 27 जुलै ते 7 ऑगस्ट या कालावधीत रंगणार आहे. याआधी 1998 साली कौलालंपूर येथे झालेल्या राष्ट्रकुल क्रीडा स्पर्धेत क्रिकेट या खेळाचा समावेश करण्यात आला होता. या स्पर्धेत दक्षिण आफ्रिकेने सुवर्ण पदक जिंकले होते.