अमेरिकेचे उद्योगपती आणि टेस्ला कंपनीचे सर्वेसर्वा एलॉन मस्क यांच्या इलेक्ट्रिक कारचे हिंदुस्थानातील पहिले शोरूम मुंबईतील BKC येथे सुरू होणार आहे. हे शो रूम जुलैच्या दुसऱ्या किंवा तिसऱ्या आठवड्यात सुरू होऊ शकते. टेस्ला कंपनी या शोरूमसाठी दर महिना 35 लाख रुपये एवढे भाडे मोजणार आहे.
मुंबईतील शोरुमसाठी टेस्लाची वाय रिअर व्हिल ड्राईव्ह एसयूव्ही गाड्या मुंबईत दाखल झाल्या आहेत. हे टेस्लाचे जगातील सर्वाधिक विक्री होणारे मॉडेल आहे. या कारची चीनच्या शांघायमधील कारखान्यात निर्मिती झाली असून तिथून ती मुंबईत पाठवण्यात आली. ब्लूमबर्गने याबाबत वृत्त दिले आहे.
