Twitter ने दुजोरा दिला आहे की ते Edit बटणावर काम करत आहे. या फीचरची मागणी बऱ्याच काळापासून यूझर्स करत होते. सध्या, यूझर्सना त्रुटी असलेले ट्विट पूर्ण डिलिट करणे आणि दुरुस्त्यांसह पुन्हा नव्याने टाईप करण्याचा मार्ग वापरावा लागतो. मात्र Edit बटण हा त्रास दूर करेल. परंतु, त्याच वेळी, ट्विटरला चिंता आहे की “सार्वजनिक संभाषणाचे रेकॉर्ड बदलण्यासाठी” Edit बटणाचा गैरवापर केला जाऊ शकतो.
टेस्लाचे सीईओ इलॉन मस्क, यांनी अलीकडेच एक पोल घेतला होता. त्यांनी त्यांच्या फॉलोअर्सना एडिट बटण हवे आहे का, असे विचारणारा करणारा एक पोल घेतल्यानंतर ही घोषणा करण्यात आली आहे. इलॉन मस्क यांनी ट्विटरमध्ये 9.2 टक्के स्टेक विकत घेतले होते. जेव्हा Twitter CEO पराग अग्रवाल यांनी विचार केला तेव्हा यूझर्सना खात्री पटली की Edit बटण येणार आहे.
ट्विटसाठी Edit बटणामागील कल्पना अशी आहे की तुम्ही ट्विट हटवल्याशिवाय आणि पुन्हा टाइप न करता ट्विटमधील टायपिंग आणि इतर चुका दुरुस्त करू शकाल. Twitter ने सांगितले की ते Twitter Blue सदस्यांसाठी “येत्या काही महिन्यांत” हे Edit बटण देणार आहेत. Twitter Comms ने Edit बटण कसे दिसेल हे दर्शविणारी एक GIF देखील पोस्ट केली आहे, परंतु लक्षात ठेवा की ते प्रत्येकासाठी उपलब्ध होण्यापूर्वी त्याची चाचणी घेतली जाईल.
Twitter चे ग्राहक उत्पादनाचे VP, Jay Sullivan यांनी स्पष्ट केले की एडिट बटणासाठी “अनेक वर्षांपासून सर्वात जास्त विनंती केलेले Twitter फीचर आहे.” “सार्वजनिक संभाषणाच्या रेकॉर्डमध्ये बदल करण्यासाठी त्याचा गैरवापर केला जाऊ शकतो” अशी भिती कंपनीला आहे. “आम्ही जेव्हा या फीचरचा विचार करतो तेव्हा त्या सार्वजनिक संभाषणाच्या अखंडतेचे रक्षण करणे ही आमची सर्वोच्च प्राथमिकता असते,” असे सुलिव्हन यांनी त्यांच्या एका ट्विटमध्ये म्हटले आहे.
Edit बटणाची चाचणी सुरू करण्याचा ट्विटरचा निर्णय हा कंपनीच्या पूर्वीच्या भूमिकेपासून वेगळे करत आहे. जेव्हा जॅक डोर्सी याचे नेतृत्व करत होते. ट्विटरचे माजी सीईओ असे फीचर आणण्यास नाखूष होते कारण त्यांना विश्वास होता की एडिट बटण एखाद्या ट्विटचे व्हायरल झाल्यानंतर त्याचा अर्थ बदलू शकते. खरं तर, 2020 मध्ये, डोर्सी म्हणाले की Twitter “कदाचित कधीही” Edit बटण आणणार नाही. पण ट्विटरचे सध्याचे सीईओ पराग अग्रवाल यांनी एडिट बटणावर वेगळा विचार केला आहे. ट्विटरने अलीकडे एप्रिल फूल्स डे वर Edit बटणावर काम करण्याबद्दल विनोद केला, परंतु तो विनोद नव्हता.
एडिट बटण पुश करणे मस्क Twitter वर आणू इच्छित असलेल्या बदलांचा एक भाग असू शकतो. मस्क यांनी केवळ Twitter मध्ये स्टेक विकत घेतला नाही, तर ते Twitter च्या बोर्डात देखील सहभागी झाले आहेत. मस्क अनेक दिवसांपासून ट्विटरवर टीका करत आहेत. स्वत: अनेक वादांमध्ये अडकलेले असताना त्यांनी भाषण स्वातंत्र्याच्या मूलभूत तत्त्वांचे पालन न केल्याबद्दल ट्विटरवर टीका केली. ट्विटरचे अग्रवाल म्हणाले की, ‘मस्क आमच्या टीमला खूप मोलाचे काम देतील कारण ते आम्हाला ट्विटरवर आवश्यक असलेल्या फीचर्सची मागणी लावून धरतात.”
