स्थानिक स्वराज्य संस्थांच्या निवडणुकीत व्हीव्हीपॅट वापरा, अशी मागणी काँग्रेसने राज्याचे निवडणूक आयुक्त दिनेश वाघमारे यांच्याकडे आज केली.
प्रदेशाध्यक्ष हर्षवर्धन सपकाळ यांच्या नेतृत्वाखाली काँग्रेसच्या शिष्टमंडळाने आज दिनेश वाघमारे यांची भेट घेतली. अखिल भारतीय काँग्रेस कमिटीचे सचिव प्रफुल्ल गुडधे-पाटील, प्रदेश काँग्रेसचे कोषाध्यक्ष अभय छाजेड, डॉ. झिशान हुसेन, इरफान पठाण, नाशिक शहर काँग्रेस अध्यक्ष आकाश छाजेड आदींचा शिष्टमंडळात समावेश होता.
स्थानिक स्वराज्य संस्थांच्या निवडणुकांमध्ये व्हीव्हीपॅट वापरणार नाही अशी भूमिका निवडणूक आयोगाने जाहीर केली आहे; परंतु निवडणुकीतील गैरप्रकार पाहता व्हीव्हीपॅट वापरावे अशी काँग्रेसची मागणी आहे.
