देशात पर्यावरणवादाची बीज रोवणारे ज्येष्ठ पर्यावरणतज्ज्ञ डॉ. माधव गाडगीळ यांचे निधन झाले. बुधवारी रात्री उशिरा पुण्यातील खासगी रुग्णालयात त्यांनी अखेरचा श्वास घेतला. ते 83 वर्षांचे होते. माधव गाडगीळ यांचे पुत्र सिद्धार्थ गाडगीळ यांनी एक निवेदन जारी करत ही माहिती दिली.
पर्यावरण चळवळीचे आधारस्तंभ आणि पश्चिम घाटांच्या जैवविविधतेचे कट्टर रक्षक मानले जाणारे पर्यावरणतज्ज्ञ डॉ. माधव गाडगीळ यांच्यावर पुण्यातील खासगी रुग्णालयात उपचार सुरू होते. मात्र उपचारांदरम्यान बुधवारी रात्री उशिरा त्यांची प्राणज्योत मालवली. त्यांच्या पार्थिवावर गुरुवारी सायंकाळी 4 वाजता पुण्यातील वैकुंठ स्मशानभूमीत अंत्यसंस्कार करण्यात येणार आहेत.
निसर्ग आणि विज्ञान यांचा मेळ घालून पर्यावरणाचे रक्षण कसे करावे, याचा वस्तुपाठ डॉ. माधव गाडगीळ यांनी घालून दिला. सह्याद्रीच्या कडेकपारीतून त्यांनी दिलेली हाक आज अधिक महत्त्वाची वाटते. पर्यावरणाचा एक सजग प्रहारी हरपला. भावपूर्ण श्रद्धांजली! 🌱💐
#डॉ_माधव_गाडगीळ #सह्याद्री… pic.twitter.com/umEaxTJrgb
— Ambadas Danve (@iambadasdanve) January 8, 2026
ज्येष्ठ पर्यावरण शास्त्रज्ञ डॉ. माधवराव गाडगीळ (८३) यांचं निधन झाल्याचं वृत्त अत्यंत दु:खद आहे. पर्यावरण संतुलन आणि संरक्षणासाठी त्यांनी आपलं संपूर्ण आयुष्य वेचलं. त्यांच्या निधनाने पर्यावरणाप्रती कमालीची तळमळ असलेलं नेतृत्व आपण आज गमावलं आहे. कोकण आणि पश्चिम घाटाच्या… pic.twitter.com/CrRRzGZJYP
— Rohit Pawar (@RRPSpeaks) January 8, 2026
माधव गाडगीळ यांचा अल्प परिचय
- डॉ. गाडगीळ यांचा जन्म 24 मे 1942 रोजी पुण्यात झाला. त्यांचे शालेय शिक्षण पुण्यातच झाले.
- तत्कालीन पुणे विद्यापीठ आणि मुंबई विद्यापीठ येथून त्यांनी जीवशास्त्रातील पदवी शिक्षण घेतले.
- हार्वर्ड विद्यापीठातून त्यांनी मॅथेमॅटिकल इकॉलॉजी या विषयात पीएच. डी. मिळवली. ते हार्वर्ड विद्यापीठाच्या आयबीएम
- संगणन केंद्राचे तसेच उपयोजित गणितशास्त्र विभागाचे फेलो होते.
- 1973 ते 2004 या कालावधीत ते बंगळुरू येथील ‘इंडियन इन्स्टिट्यूट ऑफ सायन्स’मध्ये प्राध्यापक होते. त्यांनी तेथे ‘सेंटर फॉर इकॉलॉजिकल सायन्सेस’ची स्थापना केली.
