बीसीसीआयने 17 ते 30 नोव्हेंबरदरम्यान बंगळुरूतील बीसीसीआय सेंटर ऑफ एक्सलन्स येथे होणाऱया 19 वर्षांखालील तिरंगी मालिकेसाठी हिंदुस्थान ‘अ’ आणि ‘ब’ संघांची घोषणा केली असून ‘अ’ संघाचे नेतृत्व विहान मल्होत्रा आणि ‘ब’ संघाचे नेतृत्व एरॉन जॉर्जकडे सोपविण्यात आले आहे. या मालिकेत अफगाणिस्तानच्याही युवा संघाचाही समावेश आहे.
वैभव सूर्यवंशी आणि आयुष म्हात्रेला विश्रांती
या मालिकेसाठी बीसीसीआयने दोन प्रतिभावान खेळाडू आयुष म्हात्रे आणि वैभव सूर्यवंशी यांना संघातून बाहेर ठेवण्यात आले आहे.
बीसीसीआयच्या माहितीनुसार, म्हात्रे सध्या रणजी ट्रॉफी स्पर्धेत व्यस्त आहे, तर सूर्यवंशीला नुकतेच एसीसी रायझिंग स्टार्स आशिया कपसाठी हिंदुस्थान ‘अ’ संघात संधी मिळाली असल्याने त्याला या मालिकेसाठी विश्रांती देण्यात आली आहे.
हिंदुस्थान 19 वर्षांखालील ‘अ’ संघ
विहान मल्होत्रा (कर्णधार, पीसीए), अभिज्ञान पुंडू (उपकर्णधार व यष्टिरक्षक, एमसीए), वाफी कच्छी (एचवायडीसीए), वंश आचार्य (एससीए), विनीत वी.के (टीएनसीए), लक्ष्य रायचंदानी (सीएयू), ए. रापोलू (यष्टिरक्षक, एचवायडीसीए), कनिष्क चौहान (एचएआर), खिलान पटेल (जीसीए), अनमोलजीत सिंह (पीसीए), मोहम्मद एनान (केसीए), हेनिल पटेल (जीसीए), आशुतोष महिदा (बीसीए), आदित्य रावत (सीएयू) आणि मोहम्मद मलिक (एचवायडीसीए).
हिंदुस्थान 19 वर्षाखालील ‘ब’ संघ
एरॉन जॉर्ज (कर्णधार, एचवायडीसीए), वेदांत त्रिवेदी (उपकर्णधार, जीसीए), युवराज गोहिल (एससीए), मौल्यराजसिंह चावडा (जीसीए), राहुल कुमार (पीसीए), हरवंश सिंह (यष्टिरक्षक, एससीए), अन्वय द्रविड (यष्टिरक्षक, केएससीए), आर.एस. अंबरीश (टीएनसीए), बी. के. किशोर (टीएनसीए), नमन पुष्पक (एमसीए), हेमचुदेशन जे. (टीएनसीए), उधव मोहन (डीडीसीए), ईशान सूद (पीसीए), डी. दीपेश (टीएनसीए) आणि रोहित कुमार दास (सीएबी).
