सध्या संपूर्ण जगात कोरोनान थैमान घातले आहे. अनेक देशांनी लसीकरण करून हे संकट आटोक्यात आणले आहे. हिंदुस्थानातही कोविशील्ड आणि कोवॅक्सीन या दोन कोरोना प्रतिबंधक लस दिल्या जात आहेत. तसेच रशियन स्पुटनिक लस आणि अँटीबॉडी कॉकटेलचा उपयोग सुरू आहे. अशा वेळी एक जाहिरात व्हायरल होत आहे. कोविशील्ड लस घेतलेला वर हवा अशी जाहिरात एका तरुणीने दिली आहे. ही जाहिरात सोशल मीडियावर चांगलीच व्हायरल झाली आहे. काँग्रेस खासदार शशी थरूर यांनीही ही जाहिरात शेअर केली असून हे न्यु नॉर्मल आहे का? असे म्हटले आहे.
Vaccinated bride seeks vaccinated groom! No doubt the preferred marriage gift will be a booster shot!? Is this going to be our New Normal? pic.twitter.com/AJXFaSAbYs
— Shashi Tharoor (@ShashiTharoor) June 8, 2021
24 वर्षीय रोमन कॅथलिक मुलीला एक नवरा हवा आहे, मुलीचे शिक्षण एमएससी झाली असून मुलगा स्वजातीतला असावा आणि त्याने कोविशील्ड लस घेतली असावी अशी अट या जाहिरातीत देण्यात आली आहे. ही जाहिरात सोशल मीडियावर चांगलीच व्हायरल झाली आहे. पण ही जाहिरात खोटी असल्याचे समोर आले आहे.
फ़ॅक्ट चेक करणार्‍या आल्ट न्युज या वेबसाईटने याबाबत वृत्त दिले आहे. Fodey.com या वेबसाईटवरून ही बातमी बनवण्यात आली आहे. गोव्याच्या सॅवियो फिगुरेडो या व्यक्तीने सर्वप्रथम ही बातमी सोशल मीडियावर अपलोड केली होती.
कोरोना लसीकरणाबाबत जनजागृतीसाठी ही बातमी आपण तयार केल्याचे त्यांनी सांगितले. तसेच ही जाहिरात इतकी व्हायरल होईल असे आपल्याला वाटले नव्हते असेही त्यांनी सांगितले.
