सामना ऑनलाईन । धुळे
धुळे लोकसभा मतदारसंघामध्ये भाजपचे डॉ. भामरे सुभाष रामराव यांनी सलग दुसऱ्यांदा विजय मिळवला आहे. सुभाष भामरे यांनी 229243 मताधिक्क्याने विजय मिळवत काँग्रेसच्या कुणालबाबा पाटील यांना पराभव केला. या मतदारसंघात धुळे ग्रामीण, धुळे शहर, सिंदखेडा, मालेगाव मध्य, मालेगाव बाह्य आणि बागलाण ही सहा विधानसभा क्षेत्रे येतात. गेल्या दोन निवडणुकीमध्ये या मतदारसंघात भारतीय जनता पक्षाच्या उमेदवारांनी विजय मिळवला होता.
2014 मध्ये झालेल्या 16 व्या लोकसभा निवडणुकीत भाजपच्या डॉ. भामरे सुभाष रामराव यांनी विजय मिळवला होता. त्यांना 5,29,450 मतं मिळाली होती, तर त्यांचे विरोधक अम्रीशभाई रसिकलाल पटेल (काँग्रेस) यांना 3,98,727 मतं मिळाली होती.
2009 मध्ये झालेल्या 15 व्या लोकसभा निवडणुकीत येथे भाजपचे सोनावणे प्रताप नारायणराव यांनी विजय मिळवला होता. सोनावणे प्रताप नारायणराव यांना 2,63,260 मतं मिळाली होती, तर काँग्रेसचे उमेदवार अम्रीशभाई रसिकलाल पटेल यांना 2,43,841 मतं मिळाली होती.
