भारतीय स्टेट बँक (एसबीआय) ने एफडी आणि बचत खात्यांवरील व्याजदरात कपात केली आहे. नियमित एफडीवर मिळणाऱ्या व्याजदरावर 25 बेसिस पॉइंट्स आणि बचत खात्यावर मिळणाऱ्या व्याजदरावर 50 बेसिस पॉइंट्सची कपात केली आहे. नवीन व्याजदर 15 जून 2025 पासून लागू करण्यात आले आहेत. या कपातीनंतर आता सामान्य खातेदारांना 3.05 टक्के ते 6.45 टक्क्यांपर्यत एफडीवर व्याज मिळेल, तर ज्येष्ठ नागरिकांना 3.55 टक्के ते 7.05 टक्क्यांपर्यंत व्याज मिळेल. आरबीआयने रेपो रेटमध्ये कपात केल्यानंतर देशातील वेगवेगळ्या बँकांनी आपल्या व्याजदरात कपात केली. आयसीआयसीआय बँकेने याआधीच व्याजदरात कपात केली आहे.
