ओल्ड एअरपोर्ट एरियाच्या एअर इंडिया इंजिनिअरच्या सर्व्हिस येथे हँगरचा पत्रा तुटून विशाल हरी मधेशिया या कामगाराचा मृत्यू झाला. या प्रकरणी विमानतळ पोलिसांनी चौघांविरोधात गुन्हा नोंद केला आहे. विशाल ओल्ड एअरपोर्ट येथील हँगर 3 येथे पत्रे बदलण्याचे काम करत होता. सायंकाळी विशालला काम आटपून खाली उतरायचे होते. इतर कामगारांना खाली उतरायला रशी असावी म्हणून विशाल रशीशिवाय खाली उतरत होता. पत्रा तुटल्याने खाली कोसळून त्याचा मृत्यू झाला. विशालच्या भावाच्या तक्रारीवरून विमानतळ पोलिसांनी चौघांविरोधात गुन्हा नोंद केला.
