शेअर ट्रेडिंग आणि आयपीओ खरेदीच्या नावाखाली व्यावसायिकाची 30 लाख रुपयांची फसवणूक झाल्याची घटना घडली आहे. या प्रकरणी पूर्व प्रादेशिक सायबर पोलिसांनी चौघांविरोधात गुन्हा नोंद केला आहे. तक्रारदार हे घाटकोपर येथे राहतात. तीन दिवसांपूर्वी त्यांना एका ग्रुपमध्ये जोडले गेले. ग्रुपमध्ये जोडल्यानंतर ठगाने त्यांना शेअर आणि आयपीओ खरेदी करून चांगला नफा मिळवून देतो असे सांगून 32 लाख रुपये गुंतवणूक करण्यास भाग पाडले. गुंतवणूक केल्यावर फसवणुकीचा प्रकार त्यांच्या लक्षात आला. फसवणूक झाल्या प्रकरणी त्याने पूर्व प्रादेशिक सायबर पोलीस ठाण्यात धाव घेतली. पोलिसांनी गुन्हा नोंद करून तपास सुरू केला आहे.
